Aımaq basshysy Arhımed Muhambetovtiń tóraǵalyǵymen ótken selektorlyq keńeste oblysta epıdemııalyq jaǵdaı nasharlaǵan jaǵdaıda Qostanaı qalasyna kireberis joldarda baqylaý-ótkizý beketterin ornatý týraly másele sóz boldy. Qostanaı qalasynyń ákimi mundaı jaǵdaıda iri avtokólik joldarynda 6 baqylaý-ótkizý beketin ornatýdy usyndy.
- Oblystyq PD-niń mobıldik patrýlderi Aqtóbe oblysymen jáne Reseımen avtokólik qatynasyn úzý úshin Qostanaı – Jdanov jáne Qostanaı – Maıkól avtojoldaryn qorshaýǵa daıyn. Bastysy, tranzıttik avtomobılderdiń qalany neǵurlym alystan aınalyp ótýin qamtamasyz etý kerek. Nur-Sultan qalasynyń tájirıbesinde qoldanylǵan eń tıimdi jol – osy, - dedi Q. Ahmetov.
Jıyn barysynda aımaq basshysy barlyq aýdanda baqylaý-ótkizý beketterin qoıýdy qarastyrý qajet ekenin atap ótti.
Kásipkerler men oblys turǵyndaryn ýaqytsha engizilgen shekteý tártipterin saqtaýǵa búgin taǵy da úndegen Arhımed Muhambetov: - Buǵan túsinistikpen qaraýdy suraımyn. Qabyldanyp jatqan barlyq sharalar vırýstyń taralý aıasyn taryltý úshin jasalyp jatyr, - dedi.
Qostanaı oblysy